BICI EN VERANO (Aragonés)

 

Plega o verano, o buen orache y muitas personas esleixen a bici como diversión, medio de transporte u esporte de verano. Quan no somos feitas a la reyalización de un esporte amaneixen as lesions.

O ciclismo reyalizau como practica esportiva conleva unas lesions tipicas, lesions mas comuns y freqüents. En o ciclismo, de carretera y en BTT, enca que i hai bellas esferencias, si que existen problemas comuns. Pa amostrar-los tos hemos reyalizau una sintesi. Contino tos presentamos as lesions más frecuents:

– Compresions nerviosas en a man, como Síndrome d’o tunel d’o carpo, debiu a la compresión d’o niervol mediano que da como sintomatolochía parestesias en 2º, 3º y 4eno dido d’a man afectada. Una buena prevención por meyo de amortiguación d’a parti dabantera, esguants acolchaus y evitar una excesiva extensión d’o maniquiello, lo que se aconsigue modificando distancia dentre sillín y manillar, evitará futuras lesions.

– Compresions nerviosas en o zona d’o periné: niervol pudendo, trachectos largos en bicicleta con un sillín inadequau, masiau duro, punta d’o sillín dura y endrezada masiau ent’o periné, microtraumatismos por mala amortiguación, asinas asinas, son factors que desembolican un paper important en a cheneración de ista malotía. En iste mesmo grupo podríanos incluir as prostatitis, inflamación de ista glandula cheneradas por os mesmos factors que as anteriors, y que pueden producir una disminución d’o cabal vascular en ista, dando como resultau ista patolochía. Como prevención sería intresant aconseguir un sillín blando u con forau pa evitar ixa compresión, sillins de apoyo isquiatico, alternar periodos de pedaleo de piet, pa relaixar de presión l’aria bell ratet.

– Tendinitis-tendinosis, gosan de producir-se por una sobrecarga, por mala alineación d’as calas. O puesto an que amaneixen a sobén ye o tendón rotuliano y a cintilla iliotibial, menos a soben en l’Aquiles, enca que ye posible trobar afectación de iste en trachectos de puyada en os que a ciclista be de concarar puyadas de piet en a bici, hipersolicitando ixe tendón. Aintro de iste grupo podríanos fer ficancio en as afeccions femoro-patelars, por desalineacion de miembros inferiors, mal cenyo en pedalada… Como prevención, una buena sesión de estiramientos en l’empencipiallo, chunto con o calentamiento previo, buena alineación y cenyo tecnico, y estiramientos en rematar l’eixercicio.

– Cervicalgias y lumbalgias, por posicions mantenidas mientres grans periodos de tiempo, mas que mas en ciclismo en ruta, ya que a posición que se mete en a bicicleta ffa una hiperextensión cervical, cona conseqüent compresión articular. EN BTT, a fuerza a reyalizar por os musculos trapecios ye mayor que no en ruta, y isto puet plegar a chenerar espasmos musculars y contracturas, que den como resultau dolor y impotencia funcional. En o casod’as lumbalgias, si no se mantien una postura dreita, a flexion lumbar mantenida puet irritar os ligamentos d’a zona, asinas como prevocar protrusions discals por a mesma postura.

Ye important, d’a mesma traza, mantener una buena hidratación, evitar a calor excesiva (francha horaria d’a meyodiyada) que pueda prevocar “trucazos de calor”, asinas como una corrrecta alimentación, de ista traza y chunto a os consellos que tos hemos dau, achiquiretz o risque de sufrir lesions en ista practica esportiva.

¡Buen verano y buena pedalada!