ACTIVIDAT FISICA U ESPORTE

RANAS

Ista ye una qüestion que se nos planteya a ormino en consulta. As personas vienen con o dogma de “esporte igual a salut”. Y seguntes lo que levan en as suyas cabezas asinas ye, pero en a teoría a frase correcta sería: “actividat fisica igual a salut”.
A diferencia de l’esporte, que sería bella cosa asinas como a realización d’exercicio fisico, practicau pa superar una marca u vencer a l’adversario, refirmando-se en unas reglas determinadas, l’actividat fisica se definiría como qualsiquier movimiento corporal produciu por os musculos esqueleticos que desiche gasto d’enerchía. Asinas englobaría totz os cenyos cutianos, de treballo, fainas de casa, caminar…
I hai factors arrienda que han feito achiquir a nuestra actividat fisica: estrés-treballo, no conciliacion d’horarios familiars, medios de transporte pasivos, grans urbes que fan grans as distancias ent’o treballo, habitos alimenticios, fobia al movimiento que chenera un rolde vicioso. D’atra man, actividat fisica y esporte totz dos cheneran efectos beneficiosos pa l’organismo: achiquen o riesgo de pedeixer enfermedatz cardiovasculars, hipertension, cancer de colon, obesidat. Aumenta a densidat osea y fortalece os musculos y amilloran l’estau animico. Por contra, o sedentarismo provoca una deshidratacion en os nuestros techius, restriccions fascials que a la curta u la larga, nos pasará factura.
Pero antiparte d’os factors beneficiosos, i hai diferencias dentre os dos. A competicion requiere meter o nuestro cuerpo a o 100% , amás en haber factors externos a nusatros: atros chugadors/as, elementos propios de l’esporte: pilotas, raquetas, a propia competicion…y atros intrinsecos que pueden incrementar as posibilidatz de lesions. Pa os esportes cal una buena tecnica d’echecucion, asinas asistimos a la moda en zagueras d’o running u o paddel, que mal executaus puet provocar lesions en un periodo curto-medio de tiempo: tendinosis,tenosinovitis, epicondilitis, fascitis plantars….asinas asinas.
Prou que l’esporte frent o sedentarismo tien muitos mas beneficios, ye de dar, pero en charrando de lesions hemos de esleixir l’actividat fisica.
Agora, tú puetz triar en libertat pero no te quedes acoflau/ada,¡mueve-te!

http://www.who.int/dietphysicalactivity/pa/es/
https://www.msssi.gob.es/ciudadanos/proteccionSalud/adolescencia/beneficios.htm